D WILG TƖ D YAA KIRIS-NEB HAKƖƖKA

D yɩ sik-m-meng soaba, b sã n wa pẽgd tõndo

Wakat ninga, d taabã tõe n pẽgd-d lame. B sã n pẽgda tõnd ne pʋ-peelem, la bũmb takɩ yĩnga, kengda raoodo. (Yel. 15:23; 31:10, 28) La d segd n gũusame tɩ b sẽn pẽgd tõndã ra wa kɩt tɩ d sɩng n tagsdẽ tɩ d yɩɩda d taabã, wall n kɩt tɩ d lebg wuk-m-meng soab ye.

GES-Y VIDEO WÃ: TÕND ME MAAN SƖD NE A ZEOVA, WA A ZEEZI: B SÃ N WA PẼGD TÕNDO. RẼ POOR BƖ Y LEOK SOGSGÃ:

Bõe ne bõe yĩng la nebã tõe n wa pẽgd tõndo?
Bõe la saam-biisã yeel n pẽg a Sɛrze?
Bõe yĩng tɩ b pẽgrã ra loog nugu?
A Sɛrz sẽn leok to-to tɩ wilg t’a yaa sik-m-meng soabã kõta tõnd yam-bʋgo?

Yaa ‘Tõnd me maan sɩd ne a Zeova, wa a Zeezi: B sã n wa pẽgd tõnd’ video wã. A Sɛrz ne neb a taab sẽn be b tẽed-n-taag zakẽ. B sẽn pẽg a Sɛrz to-to wã pa zems ye. A Sɛrz sẽn leok to-to wã wilgame t’a yaa sik-m-meng soaba.