D kell n tall d tẽebã kãn-kae, saabã sẽn kolgdã yĩnga

A YÕODÃ: Ka la bilfu, yel-kãsems n na n maane, tɩ yaa tɩlɛ tɩ d maneg n tall raood la d teeg a Zeova n yɩɩd pĩnda. To-kãsengã na n sɩnga ne ziri tũudmã sãoongo. (Mat. 24:21; Vẽn. 17:16, 17) Wakat kãnga, tõe tɩ d na n moona bʋ-kaoor koɛɛga. (Vẽn. 16:21) Goog sẽn be Magoog soolmẽ wã na n zaba ne tõndo. (Eze. 38:10-12, 14-16) La sẽn na yɩl n kogl a nin-buiidã, a Zeova sẽn yaa Wẽnnaam Sẽn-tõe-a-fãa wã na n kɩtame t’a “ra-kãsengã zabrã” sɩnge. (Vẽn. 16:14, 16) D sã n dat n keng d raoodã yɛl nins sẽn watã yĩnga, yaa tɩlɛ tɩ d maan sɩd ne a Zeova masã menga, b sã n wa namsd tõnd d tũudmã yĩnga.

D SẼN TÕE N MAAN TO-TO:

• D tall raood n wilg t’a Zeova noyã yaa sõma wʋsgo.—Eza. 5:20

• D ket n tigimd ne d tẽed-n-taasã n pʋʋsd a Zeova.— Ebre. 10:24, 25

• D yɩt tao-tao n tũud a Zeova siglgã noyã la a saglsã.—Ebre. 13:17

• D bʋgs a Zeova sẽn fãag a nin-buiidã to-to pĩndã.—2 Pɩy. 2:9

• D pʋʋsd a Zeova la d teeg-a.—Yɩɩn. 112:7, 8

GES-Y VIDEO WÃ: YƐL SẼN WATE, TƖ NA N YƖ TƖLƐ TƖ D TALL RAOODO—B SẼN KƲRGE. RẼ POOR BƖ Y LEOK SOGSGÃ:

• 

  B sẽn wa n yeel koe-moondbã tɩ b na n kɩtame tɩ b tigingã neb tɩ naagd tigims a taabã, bõe yĩng tɩ ra tõe n yɩ toog tɩ b sake?

• 

  D sã n yaa sakda, wãn to la rẽ sõngd tõnd tɩ d paam raoodo?

• 

  Armagedõ sã n wa ta, bõe yĩng tɩ na n yɩ tɩlɛ tɩ d tall raoodo?

• 

  Biiblã kiba-bʋg n tõe n sõng tõnd tɩ d maneg n kɩs sɩd t’a Zeova tõe n fãaga tõndo?—2 Kib. 20:1-24