Kom-bɩɩse, a Zeova n yaa yãmb zoa hakɩɩk bɩ?

Y sã n dat n yõg zoodo, y na n datame tɩ yɩ ned sẽn tar zʋg-sõma bʋse? Tõe tɩ y na n datame t’a yɩ ned sẽn maand sɩda, ned sẽn yaa maan-neer soaba, la kõata. A Zeova yaa woto bal kɛpɩ. (Yik. 34:6; Tʋʋ. 14:17) Y sã n pʋʋsd-a, a kelgdame. Y sã n wa rat sõngr me, a sõngd-y lame. (Yɩɩn. 18:20, 36) Y sã n beege, a kõt-y-la sugri. (1 Zã 1:9) Ad a Zeova sɩd yaa zo-sõng meng-menga!

Bõe la y tõe n maan n wilg tɩ y yaa a Zeova zoa? Karemd-y a Gomdã, n bao n bãng-a sõma. Togsd-y-yã-a sẽn be y sũurẽ, tɩ wilg tɩ y teeg-a lame. (Yɩɩn. 62:9; 142:3) Wilg-y tɩ y nanda sẽn tar yõod wʋsg a nifẽ wã. Wala makre, a Biigã, a Rĩungã, la a sẽn pʋlem bũmb nins tɩ watẽ wã. Gomd-y a yell ne y taabã. (Tõo. 32:3) Y sã n modgd n paasd yãmb ne a Zeova zoodã, a na n yɩɩ y zoa wakat sẽn kõn sa yĩnga. (Yɩɩn. 73:25, 26, 28)

GES-Y VIDEO WÃ: KOM-BƖƖSE, ‘LEMB-Y N GES-Y T’A ZEOVA YAA SÕMA,’ TƖ RẼ POOR BƖ Y LEOK SOGSGÃ:

• 

  Bõe la y tõe n maan n wa tõog n dɩk y meng n kõ a Zeova, la y reeg lisgu?

• 

  Wãn to la tigingã neb tõe n sõng-y tɩ y kell n tũ a Zeova?

• 

  Wãn to la koe-moonegã paasd yãmb ne a Zeova zoodã pãnga?

• 

  A Zeova tũudmã tʋʋm-bʋs la y tõe n bao n tʋme?

• Bõe n noom yãmb a Zeova nengẽ?