Sebr d sẽn na n pʋɩ sɩpaolg kiuugã, n sõng nebã tɩ b bãng Wẽnnaam Rĩungã sẽn yaa a soaba

A Zeezi moona “Wẽnnaam Rĩungã koe-noogã.” (Luk 4:43) A yeela nebã me tɩ b pʋʋs tɩ Rĩungã wa. (Mat. 6:9, 10) Sɩpaolg kiuugã, d na n modgame n pʋɩ sebr n sõng nebã tɩ b bãng Wẽnnaam Rĩungã sẽn yaa a soaba. (Mat. 24:14) Sigl-y y sẽkã sõma, n wa paam n naag n pʋɩ sebrã. Sẽn na n yɩ-b sõngr so-pakdb ki-kãnga wã tõe n yãka yam n moon lɛɛr 30 bɩ 50.

Y sã n wa sõsd ne neda, modg-y n karm-y vɛrse sẽn gomd Wẽnnaam Rĩungã yell t’a kelge. Y sã n wa na n yãk vɛrse ning y sẽn na n karmã, tags-y kɛlgdã sẽn be tũudum ning pʋgẽ wã yelle. Pipi sõsgã sasa, ned sã n wilg t’a rat n bãng n paasame bɩ y kõ-a yʋʋmd 2020 Gũusg Gasgã N^o a 2 soabã. Rẽ poore, lebg-y n wa n kaag-y-yã-a tao-tao, la y bao n sɩng Biiblã zãmsg ne-a ne sebr sẽn naag tõnd koe-moonegã tʋʋm-teedã. Keta bilf bala, tɩ Wẽnnaam Rĩungã wa sãam goosneema-rãmb nins fãa sẽn kɩɩsd-a wã. (Dãn. 2:44; 1 Kor. 15:24, 25) Woto wã, bɩ d maan d sẽn tõe fãa n naag n pʋɩ seb-kãngã sõma, tɩ wilg tɩ tõnd sakda a Zeova ne a Rĩungã!