D kõ a Zeova d fãa-fãa

5:5-7, 11

Naong ra pa tõe n kɩt tɩ Israyɛll ned pa tõe n bao laafɩ bɩ zems-n-taar ne a Zeova ye. Baa Israyɛll neb nins sẽn da yaa naong rãmb n tɩ yɩɩdã ra tõe n kõo kũun sẽn noogd a Zeova sũuri, sã n yaa b fãa-fãa la b sẽn kõ wã. B ra tõe n kõo zom, la a Zeova ra ratame tɩ yɩ “zom-bãanega.” Yaa zom a woto la b ra nagd n maand bur n kõ sãamb nins b sẽn nand wʋsgã. (Sɩng. 18:6) Rũndã-rũndã, a Zeova sakda tõnd “pẽgr maoongã” d sẽn kõt ne d sũur fãa wã, baa d yɛlã sã n kɩtame tɩ d sẽn kõtã pa waoog ye.—Ebre. 13:15.

Wãn to la rẽ kengd yãmb raoodo, y sã n pa le tõe n maan wa pĩndã, y laafɩ wã sẽn pa waoog wall y sẽn pa le tar pãng yĩnga?