Bũmb nins b sẽn da maand paasg daarã sẽn sõngd tõnd tɩ d bãnge

16:12-15

B sẽn da yõogd wisd paasg daarã wilgda tõnd bõe?

• Sẽn maand-b sɩd ne a Zeova wã pʋʋsgã yaa wa wisdu. (Yɩɩn. 141:2) Maan-kʋʋdb kãsmã sã n da na n yõog wisdã n kõ a Zeova, a maanda rẽ ne waoogr meng-menga. Woto me, tõnd sã n na n pʋʋs a Zeova, d maanda rẽ ne gũusg la waoogr meng-menga.

• Maan-kʋʋdb kãsmã ra tog n deng n yõoga wisdã, n yaool n maan maandã. Woto me, nand t’a Zeezi wa kõ a vɩɩmã tɩ yɩ maoongã, a ra tog n maana bũmb sẽn na yɩl t’a Zeova wa sak n deeg a maoongã. A ra tog n kell n talla a burkĩndã, n maan sɩd ne a Zeova.

Bõe la m tõe n maane, n tõog n bas m yam tɩ modgr nins fãa m sẽn maand a Zeova yĩngã na n taa a yam?