Roagdba, sõng-y y kambã tɩ b bãng a Zeova sẽn datã

Tõnd sẽn vɩ dũni ning pʋgẽ wã, nebã maaname tɩ wẽng lebg sõma, tɩ sõma lebg wẽnga. (Eza. 5:20) Sɩd me, neb kẽer maanda bũmb nins a Zeova sẽn kisã. Wala makre, rap n kẽed ne taaba, tɩ pagb me kẽed ne taaba. Y kambã karen-bi-taasã, bɩ neb a taab tõe n pirsd-b lame, n dat tɩ b maan bũmb nins bãmb sẽn maandã. Bõe la y tõe n maan n sõng y kambã, tɩ b pĩnd n bãng b sẽn tõe n mao ne zu-loe-kãensã to-to?

Sõng-y y kambã tɩ b bãng a Zeova noyã la a saglsã sõma. (Maan. 18:3) Sẽn zems ne biig fãa yʋʋmde, sõng-y-yã-a bilf-bilf t’a bãng Biiblã sẽn yet pag ne rao lagengã wɛɛngẽ wã. (Tõo. 6:7) Sok-y y meng yaa: Rẽ yĩnga, m sõnga m kambã tɩ b bãng b sẽn tõe n wilg b to b nonglem to-to tɩ pa yɩ wẽnga, b sẽn tog n yeelgd fut sẽn yaa sõma la sẽn zemsã võore, la b sẽn pa segd n sak tɩ neb a taab sɩɩs b yĩngã zĩis kẽerã võor bɩ? M kambã mii b sẽn tog n maane, ned sã n wa rat tɩ b ges pornogarfi, wall a rat tɩ b maan bũmb a Zeova sẽn kis bɩ?’ B sã n bãng a Zeova sẽn datã sõma, na n sõng-b lame tɩ b gil yɛla. (Yel. 27:12; Koɛ. 7:12) Y kambã yaa a Zeova kũuni. Y sã n sõng-b tɩ b bãng a noyã la a saglsã, y wilgdame tɩ y nong-b lame.—Yɩɩn. 127:3.

GES-Y VIDEO WÃ: WUB-Y Y KAMBÃ TƖ B WA TÕOG TOOGO—KOGL-Y-B NE ‘WẼNG BUUD FÃA.’ RẼ POOR BƖ Y LEOK SOGSGÃ:

• 

  Bõe yĩng tɩ kẽer yɛɛsd n pa rat n gom pag ne rao lagengã yell ne b kambã?

• 

  Bõe yĩng tɩ roagdbã segd n wub b kambã “a Zeova kiblgã la b saglsã pʋsẽ”?—Efɛ. 6:4

• 

  Bõe ne bõe la a Zeova siglgã yiis-yã, n na n sõng roagdbã tɩ b tõog n gom pag ne rao lagengã yell ne b kambã?—w19.05 12, zĩ-gũbrã

• Bõe yĩng tɩ y segd n minim n yẽsd ne y kambã, tɩ zu-loees meng nan pa wa?