D SẼN BÃNG BIIBLÃ KARENG PƲGẼ

Bao-y soondg zĩig a Zeova nengẽ

B ra yãka soondg tẽns a yoob Israyɛll soolmẽ wã, tɩ ned sẽn kʋ a to ne yĩdg tõe n zoe n kẽng be (Sõd. 35:15; w17.11 9 s. a 4)

Israyɛll kãsem-dãmbã ra bʋʋda yell fãa (Sõd. 35:24; w17.11 9 s. a 6)

Ned sã n zoe n tɩ be soondg tẽngẽ, a vɩɩ bãane, n pa yɛɛsd b na n wa maan-a bũmb ye (Sõd. 35:25; w17.11 9 s. 13)

Wa ned sẽn da kʋ a to ne yĩdg sẽn segd n sak n bas bũmb kẽer sẽn na yɩl n paam koglg soondg tẽngã pʋgẽ wã, tõnd me sã n dat n paam tɩ Wẽnnaam zoe d nimbãaneg la a kõ-d sugri, d segd n modg n maana bũmb kẽere.

Bi-bɩɩg sũur sẽn sãam t’a kok a zug n yãbda. Fot-rãmbã: Neb sẽn baood t’a Zeova kõ-b sugri. 1. Pĩnd wẽndẽ Israyɛll ned sẽn maan yel-wẽnde, la a sẽn vẽnegd a yellã n togsd kãsem-dãmba, n kotẽ tɩ b kõ-a sugri. B yasa soondg tẽng a ye rig-noorẽ. 2. Bi-bɩɩg ning sũur sẽn da sãamã sẽn tek yam n kos sugri, n zĩ n sõsd ne kãsem-dãmb a yiibu.