A Zeova sẽn kibind tõndã, wilgdame t’a nong-d lame

B sã n gomd kiblg yelle, yaa zãmsg la wubr yell la b gomd n tɩ yɩɩda. La kiblg me tõe n yɩɩ sɩbgr bɩ remsgo. A Zeova kibinda tõndo, sẽn na yɩl tɩ d sẽn tũud-a to-to wã ta a yam. (Rom. 12:1; Ebre. 12:10, 11) Wakat ninga, yɩl n sak kiblgã tõe n yɩɩ toogo, la d sã n sake, baasda ne tɩrlem la bark toor-toore. (Yel. 10:7) Bõe la ned sẽn kibind a to segd n tẽege? Bõe la sẽn paamd-a kiblgã me segd n tẽege?

Sẽn kibind-a wã. Kãsem-dãmbã la roagdbã modgdame tɩ b kiblgã yɩ ne bʋgsem la nonglem, wa a Zeova. (Zer. 46:28) Baa ned tog ne kiblg meng-menga, segd n zemsa ne yellã, la yɩ ne nonglem.—Tɩt 1:13.

Sẽn paamd-a kiblgã. Baa kiblgã sẽn yaa neng ning fãa, d pa segd n zãgs ye. D modg n sake, la d tũ tao-tao. (Yel. 3:11, 12) D sẽn yaa neb sẽn pa zems zãngã, d fãa mi n data kiblgu. Kiblgã tõe n yɩɩ buk toor-toore. D tõe n paama kiblg ne Biiblã karengo, wall ne bũmb nins d sẽn kelgd tigissã sasa wã maasem. Nina nengẽ, yaa tɩlɛ tɩ b lugl bʋ-kaoor sull n kibl-a. D sã n sak kiblgã la d tũ, na n manega d vɩɩmã, la d na n wa paam n vɩɩmda wakat sẽn kõn sa me.—Yel. 10:17.

GES-Y VIDEO WÃ: “A ZEOVA KIBINDA NEB NINS FÃA B SẼN NONGE.” RẼ POOR BƖ Y LEOK SOGSGÃ:

• 

  A Kano vɩɩmã sɩnga wãn-wãna, la wãn to la wa n toeeme?

• 

  Wãn to la a Zeova kibl-a ne nonglem?

• 

  Yam-bʋg la d tõe n dɩk a kibarã pʋgẽ?