Kʋmd-y nebã

Ned sẽn kʋmd a taab baood n wʋma b tagsa wã võore, b manesmã, b sẽn nong bũmb ninsã, la b raabã. Tõnd sã n kʋmd neb a taabã, b miime. Tõnd sã n sɩd rat n sõng-ba, na n yɩɩ nana tɩ d kʋmd-ba. Koɛɛgã mooneg sasa, d sã n kʋmd nebã, d rɩkda a Zeova sẽn nong nebã la a get b yellã togs-n-taare, tɩ tõe n kɩt tɩ nebã rat n bãng-a.—Fili. 2:4.

Pa tõnd sẽn wat n zãmsd ned bal la d segd n wilg tɩ d kʋmd-a lame ye. D sẽn kelgd-a to-to wã, d sẽn gomd to-to wã, d manesmã, d sẽn bilsd ne d nusã to-to wã, la d nen-wamdã me segd n wilgda rẽ. D sã n kʋmd neda, d na n wilgame t’a soabã yell pak-d lame. D na n ningda bũmb nins a sẽn nongã d yamẽ, a sẽn tẽed bũmb ninsã, la a yɛlã sẽn yaa to-to wã. D na n zãmsd-a-la bũmb toor-toore, n sõngd-a bũmb kẽer wɛɛngẽ, la d pa na n modg-a t’a toeem ye. D sã n paam tɩ ned sak tɩ d na n sõng-a, paasda d sũ-noogã koɛɛgã mooneg pʋgẽ.

GES-Y VIDEO WÃ: D SÃ N SÕNGD NEBÃ TƖ B LEBGD KAREN-BIISI, D PAAMDA SŨ-NOOGO—PAAS-Y Y KOE-MOONEGÃ MINIM: KƲMD-Y NEBÃ. RẼ POOR BƖ Y LEOK SOGSGÃ:

• 

  A Zan sẽn wa retaarã, wãn to la a Liza wilg t’a kʋmd-a lame?

• 

  A Zan sẽn yeel t’a yam pa be zãmsgã, bõe la a Liza maan tɩ wilg t’a kʋmd-a lame?

• 

  A Zan sẽn yeel t’a bũmb fãa yaa zũna wã, bõe la a Liza maan tɩ wilg t’a kʋmd-a lame?