Ges pagb nins sẽn kʋʋlã wa f ma-rãmba, pagb nins yʋʋm sẽn pa vẽsgã wa f ba-bi-pogse

Biiblã sagend tõnd tɩ d ges kiris-neb nins sẽn kʋʋlã wa d ma-rãmb la d ba-rãmba, la d ges b rãmb nins yʋʋm sẽn pa vẽsgã wa d ba-biisi. (Karm-y 1 Tɩmote 5:1, 2.) Sẽn yɩɩd fãa, saam-biisã manesem sẽn yaa to-to ne saam-bi-pogsã tog n yɩɩ ne waoogre.

Saam-biig pa segd n maand wa a rata saam-bi-poaka, wall a maand bũmb tɩ kɩt t’a sã n be yambẽ bɩ saam-bi-poakã yam pa gãe bãan ye. (Zoob 31:1) Saam-biig sẽn pa kẽ kãadem pa segd n maan tɩ saam-bi-poak wa tagsdẽ t’a rat-a lame n na n kẽ kãadem tɩ yaool n pa woto ye.

Saam-bi-poak sã n wa sok sokr ne waoogre, kãsem-dãmbã segd n kelg-a-la sõma, baa yaa bũmb sẽn segd ne remsg la a yã n togse. Sẽn yɩɩd fãa, kãsem-dãmbã segd n gesa saam-bi-pogs nins sẽn pa tar sɩd sẽn na n kogl-bã yelle.—Rut 2:8, 9.

GES-Y VIDEO WÃ: D KELL N WILG TƖ D NONGA D SAAM-BIISÃ FÃA—PƲG-KÕAPÃ LA KƖƖBSÃ. RẼ POOR BƖ Y LEOK SOGSGÃ:

• 

  Bõe la tigingã neb maan n wilg saam-bi-poak a Myint tɩ b nong-a-la wʋsgo?

• 

  Wãn to la nonglem ning tigingã neb sẽn wilgã kɩt tɩ tẽngã neb pẽg a Zeova?

• 

  Wãn to la nonglem ning tigingã neb sẽn wilgã sõng saam-bi-poak a Myint kom-pugli wã?

Bõe la yãmb tõe n maan n wilg tɩ y nonga y tigingã saam-bi-pogsã, la tɩ b yell pak-y lame?