Ãnd dãmb n yaa yãmb zo-rãmb rezo sosiyo rãmbã zugu?

Neb a yiib sẽn yaa zo-rãmb nonga taaba. Wala makre, a Davɩɩd sẽn kʋ a Goliatã poore, yẽ ne a Zonatã yõga zood sẽn tar pãng ne taaba. (1 Sãm. 18:1) B ned kam fãa ra tara zʋg-sõma buud toor-toor sẽn kɩt tɩ ned fãa ra nong a to zĩiga. Dẽnd neb a yiib sã n mi taab sõma, b zoodã tara pãnga. Naoor wʋsgo, sẽn na yɩl bao n bãng neda, rɩkda sẽka, la baooda modgre. La rezo sosiyo rãmbã zugu, nebã lebgda zo-rãmb nana-nana. Rezo sosiyo rãmbã zugu, yaa nana ne nebã tɩ b tõog n solg b sẽn sɩd yaa neb ninsã, bala, b tõeeme n segl bũmb nins b sẽn na n yeelã kɛpɩ, sẽn na yɩl tɩ nebã tall tagsg ning bãmb sẽn dat tɩ b tall bãmb zugã. Rẽ n so tɩ yaa sõma tɩ y maag y yĩng n yãk neb nins y sẽn na n sak tɩ b lebg y zo-rãmbã. Ned y sẽn sɩd pa mi sã n kos n na n lebg y zoa, ra yɛɛsd-y n pa rat n zãgse, y sẽn tagsd tɩ y na n sãama a sũur yĩng ye. Zu-loees sẽn tõe n wa zĩnda yĩnga, neb kẽer yãka yam n pa na n tol n tʋm ne rezo sosiyo rãmbã ye. La y sã n yãka yam n na n tʋm ne rezo sosiyo rãmbã, bõe la y segd n ning y yamẽ?

GES-Y VIDEO WÃ: GŨUS NE REZO SOSIYO RÃMBÃ. RẼ POOR BƖ Y LEOK SOGSGÃ:

• 

  Nand tɩ y gʋls bũmb n ning rezo sosiyo rãmbã zugu, bɩ n ning y fot-rãmba, bõe yell la y segd n tagse?

• 

  Bõe yĩng tɩ y segd n maag y yĩng n yãk neb nins sẽn na n yɩ y zo-rãmb rezo sosiyo rãmbã zugã?

• 

  Bõe yĩng tɩ y segd n yãk wakat takɩ rezo sosiyo rãmbã yĩnga, la y gũus n da wa zʋʋg rẽ?—Efɛ. 5:15, 16