Yãmb segl n saa tẽn-gudgr yĩng bɩ?

Dũni-kãngã saabã sẽn tar kolgrã yĩnga, d miime tɩ tẽn-gudgrã, terorismã, la zabã na n paasdame. (Vẽn. 6:4) Bõe la d tõe n maan n segl d mens zu-loees sẽn wat yĩnga?

• Ges-y y tẽebã yelle: Bao-y n bãng-y Biiblã sagls la kibay nins sẽn na n sõng-y tɩ y maneg n kɩs a Zeova la a siglgã sɩdã, la sẽn na n sõng-y me tɩ y kell n da kẽes y toog dũni-kãngã yɛlẽ wã me. (Yel. 12:5; jr 125-126 s. 23-24) Yaa masã meng la y segd n bao n tall zood sẽn tar pãng ne tigingã nebã.—1 Pɩy. 4:7, 8

• Segl-y bũmb toor-toore: Bao-y zĩig y roogã pʋgẽ, y sẽn tõe n pa tɩ yell kãe, sã n mik tɩ yaa tɩlɛ tɩ y pa zakẽ, la rɩbd buud toor-toor n bĩngi. Sẽn paase, reng-y n yãk-y y sẽn na n wa maane, sã n wa yaa tɩlɛ tɩ y yi n bas y zakã. Lebg-y n ges-y bũmb nins y sẽn ning y korgã y sẽn segl zoeesã yĩngã pʋgẽ, la y paas teed a taab y mengã koglg yĩnga, la ligdi. Bao-y n bãng-y kãsem-dãmbã telefõn nimero-rãmba, n tõe n bool-ba, la y modg tɩ bãmb me paam yãmb telefõn nimero, n tõe n bool-yã.—Eza. 32:2 g17.5 3-7

Tẽn-gudgr sasa, bɩ y ket n wɩngd ne bũmb nins y sẽn maand y tẽebã kengr yĩngã. (Fili. 1:10) Ra toeemd-y zĩig yaar-yaare, sã n pa yaa tɩlɛ. (Mat. 10:16) Pʋɩt-y y rɩɩbã la yɛl a taab y sẽn tar ne y taabã.—Rom. 12:13.

GES-Y VIDEO WÃ: YÃMB SEGL N SAA SABAB-WẼNG YĨNG BƖ? RẼ POOR BƖ Y LEOK SOGSGÃ:

• Wãn to la a Zeova tõe n sõng tõnd sabab-wẽng sasa?

• Bõe ne bõe takɩ la d tõe n maane, n segl d menga?

• Bõe la d tõe n maan n sõng neb nins sabab-wẽng sẽn paamã?