Sebrã pipi neng fotã: A Eliize sẽn yet a sõangdã yaa: “Sẽn be-b ne tõndã sõor yɩɩda sẽn be-b ne bãmbã.”—2 Rĩm. 6:16

D SẼN BÃNG BIIBLÃ KARENG PƲGẼ

Sẽn be-b ne tõndã sõor yɩɩda sẽn be-b ne bãmba

Bɛɛb n gũbg a Eliize ne a sõangdã (2 Rĩm. 6:13, 14; lfb 126 s. a 2)

A Eliize kell n paa sɩɩ, la a keng a sõangdã tẽebo (2 Rĩm. 6:15-17; w13 15/8 30 s. a 2; ges sebrã pipi neng fotã)

A Zeova maana yel-solemd n fãag a Eliize ne a sõangdã (2 Rĩm. 6:18, 19; lfb 126-127 s. a 3-4)

A Zeezi ne a sodaasã sẽn be saasẽ n get sodaas sẽn kẽed sak pʋgẽ. Saam-biig n sõngd a tẽed-n-taas a yiibu, n kẽesd-b zak pʋgẽ.

Tõnd bɛɛbã pãng pa ta a Zeova ye. Tõnd sã n da tõe n yã bũmb nins sẽn maand saasẽ wã, a Zeova sẽn tũnugd ne malɛgsã n kogend a nin-buiidã to-to wã, yãmb tagsdame tɩ bõe la d na n yã?