D WILG TƖ D YAA KIRIS-NEB HAKƖƖKA
Bao-y n bãng-y-yã a Zeova tagsgo
D ratame n noog a Zeova sũuri, d sẽn maand fãa pʋgẽ. (Yel. 27:11) Sẽn na yɩl n tõoge, yaa tɩlɛ tɩ d yãk yam sẽn zems ne a tagsgã, baa a sã n pa kõ noor takɩ sẽn tõe n sõng tõndo. Bõe n tõe n sõng-d tɩ d tõog n yãk yam sẽn zems ne a tagsgã?
Zãmsd-y Biiblã n pa vaandẽ ye. D sã n wa karemd Biiblã fãa, yaa wa d sẽn sõsd ne a Zeova. D sã n bao n bãng a Zeova manesem sẽn yɩ to-to ne a nin-buiidã, la d karem neb nins sẽn maan sẽn yaa sõma wall wẽng a Zeova nifẽ wã kibayã, d tõe n bãnga a Zeova tagsg sẽn yaa a soaba. Sã n wa yaa tɩlɛ tɩ d yãk yam, vʋʋsem sõngã na n tẽega tõnd bũmb toor-toor sẽn tar yõod wʋsgo, la sagls d sẽn bãng Wẽnnaam Gomdã pʋgẽ.—Zã 14:26.
Maand-y vaeesgo. Y sã n wa na n yãk yam sok-y y meng yaa: ‘Biiblã vɛrse bʋse, pa rẽ bɩ kibay bʋs n tõe n sõng maam tɩ m wʋm a Zeova tagsg sẽn yaa a soab yellã zugu?’ Pʋʋs-y-yã a Zeova n kos a sõngre, la y maan vaeesgo, ne vaeesg tʋʋm-teed nins sẽn be yãmb buud-gomdã pʋgẽ wã, tɩ sõng-y tɩ y paam sagls yãmb zu-loɛɛgã wɛɛngẽ. —Yɩɩn. 25:4.
GES-Y VIDEO WÃ: D NANG PÃNG NE ZOEES×D RƖT RƖƖB SẼN YAA SÕMA. RẼ POOR BƖ Y LEOK SOGSGÃ:
Video wã pʋgẽ, zu-loe-bʋs la saam-bi-poakã sẽn yaa bi-bɩɩga ra segd n mao ne?
Wãn to la y tõe n maan vaeesg ne vaeesgã tʋʋm-teedã, tɩ sõng-y tɩ y tõog n mao ne zu-loees a woto buudu?
D sã n baood sẽk n maand vaeesgo, la d zãmsd Biiblã, wãn to la rẽ tõe n sõng tõnd tɩ d bãng n yãk yam?—Ebre. 5:13, 14