Roagdba, sõng-y y kambã tɩ b paam yam ning sẽn yit Wẽnnaam nengẽ wã

Bũmb a ye roagdbã sẽn tõe n maan n sõng b kambã tɩ b paam yam ning sẽn yit Wẽnnaam nengẽ wã, yaa b sẽn na n sõngd-b tɩ b rɩt tigissã yõodo. Kambã sẽn ne bũmb ninsã, b sẽn wʋmd bũmb ninsã la b sẽn yet bũmb nins tigissã sasa wã tõe n sõng-b lame tɩ b bãng a Zeova n lebg a zo-rãmba. (Tõo. 31:​12, 13) Y sã n tara kamba, wãn to la y tõe n sõng-b tɩ b rɩ tigissã yõod sõma?

• Maan-y y sẽn tõe fãa n kẽnd Rĩungã roogẽ n naagd n maand tigissã.—Yɩɩn. 22:22

• Nand tɩ tigsgã sɩng la tigsgã poore, bɩ y sõsd ne y tẽed-n-taasã n kengd taab raoodo.—Ebre. 10:25

• Modg-y tɩ y zakã ned kam fãa paam sɛb nins d sẽn zãmsd tigissã sasa wã, tɩ yaa sebrã meng-menga, wall bee telefõn bɩ taablɛt pʋga

• Sõng-y y kambã tɩ b segl b mense, n tõog n leok ne b meng goam tigissã sasa.—Mat. 21:​15, 16

• Wilgd-y ne y no-goamã tɩ y nanda tigissã, la bũmb nins y sẽn zãmsd tigissã sasa wã

• Sõng-y y kambã tɩ b kẽesd b toog n pɩɩsd Rĩungã roog la b yẽesdẽ, la b sõsd ne tigingã neb nins yʋʋm sẽn vẽsgã

Naoor wʋsgo, yɩl n sõng y kambã tɩ b wa paam zood sõma ne a Zeova baooda modgre. La sasa ninga, tõe n wõnda yɩɩda y pãnga. La y tõe n basa y yam t’a Zeova na n sõng-y lame.—Eza. 40:29.

GES-Y VIDEO WÃ: ROAGDBA, TEEG-Y-YÃ A ZEOVA N PAAM PÃNGA. RẼ POOR BƖ Y LEOK SOGSGÃ:

• Yaamsã waa ne zu-loe-bʋs a Zak ne a Lea zugu?

  Y leoorã

• Bõe yĩng tɩ roagdbã segd n teeg a Zeova n paam pãnga?

  Y leoorã

• Bõe ne bõe la a Zak ne a Lea maan n teeg a Zeova tɩ sõng-b tɩ b tõog b zu-loeesã?

  Y leoorã