D tagsa wã tõe n wilgame tɩ d yaa burkĩna

D no-goamã la d tʋʋm-tʋmdɩ wã tõe n wilgame tɩ d yaa burkĩna. La pa rẽ bal ye. D tagsa wã me tõe n wilgame tɩ d yaa burkĩna. (Yɩɩn. 19:14) Rẽ n so tɩ Biiblã sagend tõnd tɩ d ket n tagsd bũmb nins fãa sẽn yaa sɩda, bũmb nins fãa sẽn tar yõodo, bũmb nins fãa sẽn yaa tɩrse, bũmb nins fãa sẽn yaa yɩlma, bũmb nins fãa sẽn tog ne nonglem, bũmb nins fãa sẽn tar kaset-sõngo, bũmb nins fãa sẽn yaa sõma, la bũmb nins fãa sẽn tog ne pẽgrã yelle. (Fili. 4:8) Yaa sɩd tɩ pa wakat fãa la d na n tõog n gɩdg tags-wẽnsã tɩ b ra kẽ d yamẽ wã ye. La d sã n tar yõk-m-menga, tõe n sõnga tõnd tɩ d yiis tags-wẽng d yamẽ wã, n tags bũmb sẽn yaa sõma yelle. D sã n modgdẽ tɩ d tagsa wã wilgd tɩ yaa burkĩna, na n sõng-d lame tɩ d kell n yɩ burkĩna, d tʋʋm-tʋmdɩ wã wɛɛngẽ me.—Mark 7:21-23.

Vɛrse fãa tẽngre, gʋls-y tagsg ning y sẽn segd n zãag y meng ne wã:

Rom. 12:3

Luk 12:15

Mat. 5:28

Fili. 3:13