Neb nins sẽn dat n noog a Zeova sũurã yãkda yam sẽn yaa sõma

Karm-y Sɩngr 25:29-34 n bao n bãng a Ezayu ne a Zakoob fãa sã n yãka yam sẽn yaa sõma.

Bao-y n bãng-y b kibarã sõma. Bõe n maan sẽn deng b ned kam fãa yam-yãkre? (Sɩng. 25:20-28) Bõe n maan b ned kam fãa yam-yãkr poore?—Sɩng. 27:1-46.

Bao-y n bãng-y yɛlã sẽn yɩ to-to wã sõma. Wakat kãnga, bõe la bi-kãseng ra segd ne, la tʋʋm-bʋs la a ra segd n tʋme?—Sɩng. 18:18, 19 ; w10 1/5 13.

• Yɩl tɩ ned paam n naag Mesi wã yaab-rãmba, ra yaa tɩlɛ t’a yɩ a ba wã bi-kãseng bɩ? (w17.12 14-15)

Bao-y n bãng-y yam ning y sẽn tõe n dɩkã, la y tũ rẽ. Bõe yĩng t’a Zakoob tagsg sẽn da yaa to-to ne kãsengã ra yaa toor ne a Ezayu? (Ebre. 12:16, 17; w03 15/10 28-29) A Zeova tagsg yɩɩ wãn ne b ned kam fãa, la bõe yĩnga? (Mal. 1:2, 3) Bõe la a Ezayu ra tõe n maan t’a yam-yãkrã yɩ sõma n yɩɩda?

• Sok-y y meng yaa: ‘M sã n wa sigind bũmb nins m sẽn na n maan semennã pʋgẽ wã, wãn to la m tõe n wilg tɩ tũudmã yɛl tara yõod wʋsg ne-ma, wala makre, n yãk wakat takɩ zak pʋgẽ Biibl zãmsgã yĩnga?’