Neb nins sẽn maand sɩd ne a Zeova wã pidsda b pʋlemse

Karm-y Bʋ-kaoodb 11:30-40 n bao n bãng a Zɛfte ne a bi-puglã kibarã sẽn sõngd tõnd tɩ d bãng pʋlemsã pidsg wɛɛngẽ.

Bao-y n bãng-y kibarã sõma. Israyɛll neb nins sẽn da maand sɩd ne a Zeova wã sã n pʋlm-a bũmbu, b manesem yaa wãna? (Sõd. 30:2) Bõe la a Zɛfte ne a bi-puglã maan tɩ wilg tɩ b ra tẽeda a Zeova?—Bʋ. 11:9-11, 19-24, 36.

Bao-y n bãng-y n paase. Bõe la a Zɛfte pʋlem a Zeova, la yaa vẽeneg t’a sẽn wa n pʋlemdẽ wã bõe n da be a yamẽ? (w16.04 7 s. 12) Bõe la a Zɛfte ne a bi-puglã mong b mens sẽn na yɩl n pids pʋlengã? (w16.04 7-8 s. 14-16) Rũndã-rũndã, pʋlem-bʋs la kiris-ned tõe n maane?—w17.04 5-8 s. 10-19.

Bao-y n bãng-y yam ning y sẽn tõe n dɩkã. Sok-y y meng yaa:

• ‘Bõe n tõe n sõng-m tɩ m pids m sẽn pʋlem Wẽnnaam bũmb ning n dɩk m meng kõ-a wã?’ (w20.03 13 s. 20)

• ‘Bõe la m tõe n mong m meng sẽn na yɩl n maneg n tʋm a Zeova tʋʋmdã n paase?’

• ‘Bõe n tõe n sõng-m tɩ m maneg n dat n pids bũmb ning m sẽn pʋlem m pagã wall m sɩdã d yi-kãadmã daarã?’ (Mat. 19:5, 6; Efɛɛ. 5:28-33)