Rɩ-y bũmb nins sẽn be referãens-rãmbã zĩigẽ wã yõod sõma

Gʋls-sõamyã, Dũni-paalgã lebgr referãens-rãmbã zĩigẽ, b ninga vɛrse-rãmb sẽn wilgd kibay a taab bũmb ning yell b sẽn gomdã wɛɛngẽ, tɩ wilgdẽ tɩ Biiblã goam tũuda taaba. B gʋlsda gʋls-biis kɩds-kɩdse, n wilgd referãens fãa sẽn zems ne bũmb ninga. Sã n yaa Biiblã meng la y zãada, y tõe n gesa tẽn-sʋkã wall kɩrengã, n gẽes gʋls-bil ning sẽn zems ne rẽ wã tɩ y na n yãa vɛrse-rãmb sẽn kõt vẽenem n paas rẽ wɛɛngẽ. Sã n yaa jw.org pʋgẽ wall JW Library® aplikasiyõ wã pʋgẽ la y karemd Biiblã, y tõe n tẽka gʋls-bilã zugu, n yã referãensã vɛrse-rãmba.

Referãens-rãmbã zĩigẽ, b ningda vɛrse-rãmb sẽn kõt kibay toor-toore. Wala makre:

Kibay b sẽn togs zĩig a to: Referãensã tõe n wilgda zĩig a to b sẽn gomd bũmb ning d sẽn karemdã yelle. Wala makre, ges-y 2 Sãmwɛll 24:1 ne 1 Kibay 21:1.

Goam b sẽn lebs n togse: Referãensã tõe n wilgda gomd wall goam sẽn yit zĩig ninga. Ges-y Matiye 4:4 ne Tõod 8:3.

Bãngr-gomd pidsgu: B mi n ninga referãens bãngr-gomd zĩigẽ n wilg a sẽn pids to-to wã, wall b ning a pidsgã zĩigẽ. Wala makre, ges-y Matiye 21:5 ne Zakari 9:9.