Kom-bɩɩsã sũy sẽn pa noom ne b mensã yaa yell sẽn paamd pãnga: Bõe la Biiblã yet rẽ wɛɛngẽ?

Yʋʋmd 2023 wao-fugdg kiuugã rasem 13 sẽn yɩ Tẽne daarã, logtoɛɛmb sull ning sẽn be Etazĩni tɩ b boond tɩ Centre américain d’épidémiologie (CDC) wã yiisa sebr sẽn gomd Etazĩni kom-bɩɩsã sũy sẽn pa le noom ne b mensã yelle. Sebrã pʋgẽ, b wilgame tɩ inivɛrsite karen-biis koabg sʋka, sẽn yɩɩd bãmb 40 sũy n sãam wʋsgo, tɩ b pa le tẽed manegr ye.

A Kathleen Ethier, sẽn yaa Centre américain d’épidémiologie (CDC) babg ning sẽn get kom-bɩɩsã laafɩ wã yellã (DASH) dirɛktɛɛrã yeelame yaa: “Yʋʋm 10 sẽn loogã, d yãame tɩ kom-bɩɩs nins sũy sẽn pa noom ne b mensã sõorã paasame. La b sʋkã, kom-pugli nins sũy sẽn pa noom ne b mensã sẽn tagsd b yõorã yãkr yelle, la sẽn mak-b n na n maan rẽ wã sõorã zɩ n ta woto ye.”

B paasa sebrã pʋgẽ yaa:

Kom-pugli bãmb koabg sʋka, yaa bãmb 14 la neb modg-b n kẽ ne-ba. A Ethier yeelame yaa: “Ad sɩd yaa yel-beedo. Kom-pugli nins sẽn tar yʋʋm piigã sʋka, yaa bãmb b yiib bɩ sẽn yɩɩd rẽ la b zoe n yõge.”
Kom-pugli bãmb koabg sʋka, yaa bãmb pis-tã n dat ne b sũy fãa n yãk b yõorã.
Kom-pugli bãmb koabg sʋka, yaa bãmb pis-nu la a yopoe n pa le tẽed manegre.

Kiba-kãensã sɩd sãamda sũur wʋsgo. Bi-bɩɩlmã wakat segd n yɩɩ sũ-noog wakate. Bõe n tõe n sõng kom-bɩɩsã tɩ b tõog n mao ne b yɩɩrã rũndã-rũndã? Bõe la Biiblã yet rẽ wɛɛngẽ?

Biiblã kõta kom-bɩɩsã sagls takɩ sẽn tõe n sõng-ba

Biiblã gomda wakat ning tõnd sẽn vɩ wã yell vẽeneg-vẽenega. A yetame tɩ “yɛlã na n yɩɩ kãn-kãe hal tɩ vɩɩmã lebg toogo.” (2 Tɩmote 3:1-5) La Biiblã kõta sagls sẽn zems b wakate, la sẽn sõngd kom-bɩɩs bãmb milyõ-rãmb sẽn be dũniyã gill zug tɩ b tõogd n maand bũmb toor-toore, baa ne b zu-loeesã. Ges-y sõss nins sẽn be tẽngrã sẽn tik Biiblã zugã.

Sõngre, kom-bɩɩs nins sẽn tagsd b mengã yõor yãkr yellã yĩnga

Sõngre, kom-bɩɩs nins sẽn maood ne yam-ka-m-meng bãaga, sũ-pa-noanga, pa rẽ bɩ tags-kɛgã yĩnga

Sõngre, kom-bɩɩs nins b sẽn namsd bɩ n yaand ne ẽntɛrnetẽ maasmã yĩnga

Sõngre, kom-bɩɩs nins b sẽn modgd n dat n kẽ ne-bã yĩnga

Biiblã kõta sagls sẽn tõe n sõng roagdbã vẽeneg-vẽenega

Biiblã leb n kõta roagdbã sagls takɩ, tɩ b tõe n tũnug ne rẽ n sõng b kom-bɩɩsã tɩ b tõog n mao ne vɩɩmã zu-loeese. Ges-y sõss nins sẽn be tẽngrã sẽn tik Biiblã zugã.