Politik taoor dãmb nins sẽn yaa zãmb dãmbã: Wẽnnaam Rĩungã sẽn na n maane

Nebã rata goosneema taoor dãmb b sẽn tõe n teege. B yamã ya n yii goosneema wã nebã zãmbã la b tʋʋm-kɛgã. B maana vaeesg dũniyã gill zugu, n gʋls b sẽn bãng bũmb ningã sebr b sẽn yiis yʋʋmd 2023 wã pʋgẽ. B yeela sebrã pʋgẽ, tɩ neb nins nebã sẽn pa kɩs sɩd ne n tɩ yɩɩd yaa goosneema wã taoor dãmba.a

Biiblã gomda goosneema yelle, t’a taoor soabã yaa pʋ-peelem soaba, n pa maand zãmb baa bilfu, tɩ d tõe n teeg-a zãng-zãnga. Goosneema kãng yaa Wẽnnaam Rĩungã, t’a taoor soabã yaa a Zeezi Kirist.—Ezayi 9:7.

A Zeezi wilga ne a tʋʋmã tɩ ninsaalbã yell sɩd pak-a lame. (Matiye 9:35, 36) A sẽn yaa Rĩungã Rĩmã, ka la bilfu, a na n kɩtame tɩ laafɩ la tɩrlem zĩnd dũniyã gill zugu, neb nins sẽn sakd a naamã nafr yĩnga.—Yɩɩn-sõamyã 72:12-14.