Wẽnnaam yaa Tãablem bɩ?

Biiblã sẽn yete

Tũudum wʋsg pʋsẽ, b zãmsda nebã tɩ Wẽnnaam yaa Tãablem. La ad bũmb ning sebr a ye (Encyclopædia Britannica) sẽn yete: “Gom-bil ning sẽn yaa Tãablmã, wall Tãablmã zãmsg pa be Biiblã babg ning b sẽn da gʋls ne gɛrkã pʋgẽ ye. . . . Maana yʋʋm kobse, la tũu ne no-koɛɛm wʋsg me tɩ zãms-kãng yaool n paam pãnga.”

Sɩd-sɩda, b sẽn gomd Wẽnnaam ning yell Biiblã pʋgẽ zɩ n yɩ tãablem ye. Ad Biiblã vɛrse kẽer sẽn yete:

“A Zeova yaa tõnd Wẽnnaam, a Zeova yaa b yembr bal tãa.”—Tõodo 6:4.

“Yãmb y yembr bal yʋʋr la a Zeova, n yaa Sẽn-ka-to sẽn so dũniyã gilli.”—Yɩɩn-sõamyã 83:18.

“La vɩɩm sẽn kõn sa wã yaa tɩ nebã na bãng yãmb sẽn yaa y yembre, n yaa sɩd Wẽnnaamã, la b bãng a Zeezi Kirist, yãmb sẽn tʋm a soabã.”—Zã 17:3.

“La Wẽnnaam yaool n yaa b yembre.”—Galat-rãmbã 3:20.

Bõe yĩng tɩ tũudum wʋsg yetẽ tɩ Wẽnnaam yaa tãablem?