A Zeezi ra yaa nin-sõng bal bɩ?

Biiblã sẽn yete

A Zeezi ra pa nin-sõng bal ye. D tõe n yeela koɛɛg-koɛɛg bal t’a yɩɩ nin-kãseng sẽn ka to. Ad kʋdemd yel-mitb la bãngdb yʋy sẽn yi sẽn yeel a Zeezi zugu:

“Hal pĩnd wẽndẽ n tãag masã, Nazarɛt rao a Zeezi n yaa nin-​kãseng sẽn ka to.”—Ãngeletɛɛr kʋdemd yel-mit a H. G. Wells.

“Hal pĩnd wẽndẽ n tãag masã, a Zeezi vɩɩmã talla pãng nebã zutu, n ket n tar pãng n paasdẽ.”—Amerik kʋdemd yel-​mit a Kenneth Scott Latourette.

Biiblã wilgda bũmb ning sẽn kɩt t’a Zeezi yaa kãseng n yɩɩd nin-sõng buud fãa sẽn zĩnd tẽng zugã. A Zeezi sẽn sok a tʋm-tʋmdbã n na n bãng b sẽn tagsd tɩ yẽ yaa ned ningã, b nin-yend leokame n yeele: “Yãmb yaa Kiristã, Wẽnnaam sẽn vɩ wã Bi-ribla.”—Matye 16:16.