A Zeezi yaa Wẽnnaam sẽn tõe fãa wã bɩ?

Biiblã sẽn yete

A Zeezi bɛɛbã rõd-a lame t’a ra yetame t’a zema Wẽnnaam. (Zã 5:18; 10:30-33) La a Zeezi zɩ n yeel t’a zema Wẽnnaam sẽn tõe fãa wã ye. A yeelame: “M Ba yɩɩda maam.”—Zã 14:28.

A Zeezi pipi karen-biisã ra pa tagsd t’a zema Wẽnnaam sẽn tõe fãa wã ye. Wala makre, tʋm-tʋmd a Poll gʋlsame n wilg t’a Zeezi vʋʋgrã poore, Wẽnnaam “zẽka bãmb [a Zeezi] ne waoogr sẽn yaa kãsenga.” Yaa vẽeneg t’a Poll ra pa tẽed t’a Zeezi yaa Wẽnnaam sẽn tõe fãa wã ye. A Zeezi sã n da zema Wẽnnaam sẽn tõe fãa wã, Wẽnnaam ra na n yɩɩ wãn n tõog n zẽk-a ne waoogr sẽn yaa kãsenga?—Filip-rãmbã 2:9.