Bõe la m tõe n pʋʋs n kose?

Biiblã sẽn yete

Y tõe n pʋʋs n kosa bũmb ning fãa sẽn zems ne Wẽnnaam daabã sẽn be Biiblã pʋgẽ wã. “Tõnd sã n kos bũmb sẽn zems ne [Wẽnnaam] daabo, b kelgda tõndo.” (1 Zã 5:14) Y tõe n pʋʋs n goma y zu-loeesã yell bɩ? N-ye. Biiblã yetame: “Bɩ y togs y sũurẽ yell [Wẽnnaam] taoore.”—Yɩɩn-sõamyã 62:8, MN.

Ad bũmb kẽer y sẽn tõe n pʋʋs n kose

• Tẽebo.—Luk 17:5.

• Vʋʋsem sõngã sẽn yaa Wẽnnaam pãngã, sẽn na yɩl tɩ sõng-y tɩ y maan sẽn yaa tɩrga.—Luk 11:13.

• Pãng sẽn na yɩl n mao ne zu-loeese, la sẽn na yɩl n yals kãn-kãe makr taoore.—Filip rãmbã 4:13.

• Sũur pʋgẽ bãane.—Filip rãmbã 4:6, 7.

• Yam sẽn na n sõng-y tɩ y bãng n yãk y sẽn na n maaneg tɩ yɩ sõma.—Zak 1:5.

• Bũmb nins sẽn yaa tɩlɛ ne-yã.—Matiye 6:11.

• Y yel-wẽnã sugri.—Matiye 6:12.