Bõe yĩng tɩ d segd n pʋʋs ne a Zeezi yʋʋre?

Biiblã sẽn yete

D segd n pʋʋsa Wẽnnaam ne a Zeezi yʋʋre, bala yaa ne a Zeezi yʋʋrã bal la Wẽnnaam dat tɩ d pʋʋs-a. A Zeezi yeelame: “Maam la sore, la sɩda, la vɩɩm. Ned baa a yembr ka tõe n wa m ba nengẽ tɩ ka tũ ne maam ye.” (Zã 14:6) A Zeezi leb n yeela a tʋm-tʋmdb nins sẽn kell n pa ne-a wã yaa: “Sɩd-sɩdã, mam yeta yãmb tɩ bũmb ning yãmb sẽn na n kos m ba, b na n kõo yãmb mam yʋʋrã yĩnga.”—Zã 16:23.

Ad bũmb a taab sẽn kɩt tɩ d segd n pʋʋs ne a Zeezi yʋʋre

• Wilgdame tɩ d waoogda a Zeezi ne Wẽnnaam a Zeova sẽn yaa a Ba wã.—Filip rãmbã 2:9-11.

• Wilgdame tɩ d miime tɩ yaa ne a Zeezi kũumã maasem la Wẽnnaam fãagd tõndo.—Matiye 20:28; Tʋʋma 4:12.

• Wilgdame tɩ d miime tɩ yaa a Zeezi a ye bal n yaa se-yõkd Wẽnnaam ne ninsaalbã sʋka.—Ebre-rãmbã 7:25.

• Wilgdame tɩ d nanda tʋʋmd ning a Zeezi sẽn tʋmde, a sẽn yaa maan-kʋʋdb kãsem n tõe n sõng tõnd tɩ d paam Wẽnnaam zoodã.—Ebre-rãmbã 4:14-16.