Bõe yĩng tɩ yãmb pa tũnugd ne pikã n pʋʋsdẽ?

Neb wʋsg tagsdame tɩ f sã n tar pikã, wilgdame tɩ f yaa kiris-neda. Tõnd a Zeova Kaset rãmbã me yaa kiris-neba, la d pa tũnugd ne pik n pʋʋsdẽ ye. Bõe yĩnga?

Ad bʋʋm sẽn wilgd rẽ. Biiblã wilgame t’a Zeezi pa ki pik zug ye. A yetame t’a kii ra-luk zugu. Sẽn paase, Biiblã sagenda kiris-nebã tɩ b “zoe wẽn-naands pʋʋsgo,” rat n yeel tɩ b pa segd n tũnug ne pik n pʋʋs Wẽnnaam ye.—1 Korẽnt-rãmbã 10:14; 1 Zã 5:21.

A Zeezi me yeela woto: “Yãmb sã n nong taaba, nebã fãa na bãng tɩ yãmb yaa mam karen-biisi.” (Zã 13:34, 35) A sẽn yeel woto wã wilgdame tɩ pa d sẽn na n tar pik bɩ imaaz n pʋʋsdẽ la d yaa a karen-biis hakɩɩk ye. Yaa d sẽn na n nong taab ne d sũy fãa.