Yãmb yaooda piig pʋɩɩr bɩ?

Ayo. A Zeova Kaset rãmbã pa yaood piig pʋɩɩr ye. Ned fãa kõta kũun ne yamleoog n teend tʋʋmã. B pa togsd neb nins sẽn kõt kũunã yʋy ye. Piig pʋɩɩr yaa bõe, la bõe yĩng t’a Zeova Kaset rãmbã pa yaood piig pʋɩɩre?

Noor ning b sẽn kõ piig pʋɩɩrã wɛɛngẽ wã ra naaga tõogã Wẽnnaam sẽn da kõ pĩnd Israyɛll nebã. La Biiblã wilga vẽeneg tɩ kiris-nebã pa tũud tõ-kãnga, n paas piig pʋɩɩrã noorã ye.—Ebre-rãmbã 7:5, 18; Koloos-rãmbã 2:13, 14.

A Zeova Kaset rãmbã pa yaood piig pʋɩɩr ye. B rɩkda pipi kiris-nebã togs-n-taare, n teend koɛɛgã mooneg ne manesem a yiibu: B tʋmdame n pa reegd yaoodo, la b kõt kũun ne yamleoog me.

Dẽnd b tũuda sagl-kãngã b sẽn kõ kiris-nebã: “Bɩ ned kam fãa kõ wa sẽn zems a sẽn yãk yam a sũur pʋgẽ, la ra yɩ ne nen-gãneng wall modgr ye. Bala, Wẽnnaam nonga ned ning sẽn kõt ne sũ-noogo.”—2 Korẽnt-rãmbã 9:7.