Par n bao ligdã yaa yel-wẽnd bɩ?

Biiblã sẽn yete

Yaa sɩd tɩ Biiblã pa gom par n bao ligdã yell vẽeneg-vẽeneg ye. La a sẽn yet bũmb ningã tõe n sõng-d lame tɩ d bãng tɩ Wẽnnaam nifẽ, par n bao ligdã yaa yel-wẽnde.—Efɛɛz rãmbã 5:17.a

• Ned sẽn pard n baood ligd yaa yão-be-neda. Yão-beed yaa bũmb Wẽnnaam sẽn kisi. (1 Korẽnt rãmbã 6:9, 10; Efɛɛz rãmbã 5:3, 5) Ned sẽn pard n baood ligd ratame t’a taabã bõn b ligdã, tɩ yẽ paame. La Biiblã yetame tɩ d ra tʋlg d to bũmb ye.—Yikri 20:17; Rom dãmbã 7:7; 13:9, 10.

• D sã n pare, baa yaa ligd bilfu, tõe n kɩtame tɩ d wa lebg ned sẽn nong ligdi. La rẽ na n wã-d lame.—1 Tɩmote 6:9, 10.

• Naoor wʋsgo, neb nins sẽn pard n baood ligdã teega bũmb toor-toor sẽn pa sɩda, wall b tagsdẽ tɩ b tara zu-noogo. La Wẽnnaam geta rẽ wa bõn-naands pʋʋsgo, tɩ yaa bũmb a sẽn kisi.—Ezayi 65:11

• Biiblã sagend-d lame tɩ d yɩ neb sẽn tʋmd wʋsgo, la d ra yɩ neb sẽn nong nana ye. (Koɛɛg soaba 2:24; Efɛɛz rãmbã 4:28) Neb nins sẽn tũud Biiblã saglsã rɩta “rɩɩb ning bãmb mensã sẽn paamde.”—2 Tesalonik rãmbã 3:10, 12.

• Ned sẽn pard n baood ligd tõe n wa lebga ned sẽn nong wags-n-taare, tɩ rẽ yaool n yaa bũmb Biiblã sẽn gɩdge.—Galat-rãmbã 5:26