Vẽnegre

a Pipi Rĩm dãmb 19:9 wã pʋgẽ, a Zeova tũnuga ne malɛk n gom ne a Eli. Tõe tɩ yaa malɛg-kãng yɛs la sẽn gomd wa “ned sẽn walemdã.” Vɛrse 15 wã pʋgẽ, b yeelame tɩ yaa “Zu-soabã” rat n yeel t’a Zeova n gom ne a Eli. Tõe tɩ tẽegda tõnd malɛk ning sẽn yãag Israyɛll nebã rasempʋɩɩgẽ wã. Malɛk ning yell a Zeova sẽn gom n yeel tɩ “mam yʋʋr bee ne yẽnda” wã. (Yik. 23:21) D pa tõe n yeel vẽeneg tɩ yaa malɛg-kãng la sẽn gom ne a Eli wã ye. La d tẽeg tɩ nand t’a Zezi wa tẽngã zugã, b ra boond-a lame tɩ “Gomdã.” Yẽ la a Zeova ra nong n kɩtd t’a taasd a nebã a koeese.—Zã 1:1.