Vẽnegre

a A Zeova Kaset rãmbã sẽn teend Wẽnnaam Rĩungã, b pa kẽesd b toog na-baoorã yɛlẽ, bɩ n yikd zab n kɩɩsd dũniyã goosneema rãmba, baa tẽns nins pʋsẽ b sẽn gɩdg Kaset rãmbã tʋʋmd bɩ b namsd-bã ye. (Tɩt 3:1) Sẽn yaa lebende, wa a Zezi la a pipi yʋʋm kob-gĩndẽ karen-biisã sẽn maana, b maanda yel-sõma tẽebã wɛɛngẽ n sõngdẽ, la ka na-baoorã wɛɛngẽ ye. Kaset rãmbã maoodame n na n sõng neb nins sẽn tar yam-sõng n be babs toɛy-toɛyẽ tɩ b sakd Biiblã noy sẽn yaa sõma wala nonglem zak pʋgẽ, pʋ-peelem, yɩlemd vɩɩm manesmã pʋgẽ la tʋʋm-sõng maaneg yam tallgo. Pipi, b modgdame n na n zãms-b tɩ b bãng b sẽn na n tũ Biiblã noy to-to, la b ges Wẽnnaam Rĩungã wa ãdem-biisã saagr hakɩka.