Vẽnegre

b GOMDÃ VÕORE: Nina mi n belga biig bɩ n modg-a n tʋm tʋʋm-dẽgdo, n na n pids a tʋls-wẽnse. Wala makre, nina mi n belga biig bɩ n modg-a n kẽ ne-a, wall a gãand-a a se-nifẽ wã, wall a mogs a taoorã, pa rẽ bɩ a salem a raoolmã bɩ a poglmã, wall a kɩt tɩ biigã maan yẽ woto, pa rẽ bɩ a wẽbs biigã bĩisã bɩ a kɛgbã, wall a tʋm tʋʋm-dẽgd a taaba. Yɩta sõma tɩ d tẽeg tɩ b sã n maan biig woto, pa a yell ye. Tũu ne belgr wall modgre, hal tɩ namsd-a wʋsgo. Yaa sɩd tɩ nong n yaa kom-pugli wã la b maand woto, la a buud paamda kom-dibli wʋsg me. Sẽn maand-b kambã woto wã wae n yaa rapa, la pagb kẽer me n maand woto.