Vẽnegre

a D sẽn pa zems zãngã yĩnga, d tõe n wa yeelame wall d maan bũmb tɩ sãam d tẽed-n-taag sũuri. Sã n wa yaa woto, bõe la d segd n maane? D na n modgame tɩ laafɩ le zĩnd d sʋk bɩ? D na n yɩɩ tao-tao n kos sugr bɩ? Bɩ d na n kʋmb n yeelame t’a sũur sẽn sãamã paka yẽ, la pa pak tõndo? La sã n mikame tɩ neb a taabã goam la b yel-manesem yikda d sũur tao-tao? D na n kõo d meng bʋʋm, n yetẽ tɩ yaa tõnd me zʋgã la woto bɩ? Bɩ d na n getame tɩ d sũurã sẽn yikd tao-tao wã yaa pãn-komsem d sẽn segd n modg n demse?