Vẽnegre

e FOTÃ BILGRI.: Saam-biig sẽn kos a tʋʋmd taoor soab t’a kõ-a sor t’a kẽng tigis-kãseng t’a zãgse. A pʋʋsa a Zeova n kos t’a sõng-a la a wilg-a sore, n segl a meng n le tɩ gom ne a tʋʋmdã taoor soaba. A wilga a tʋʋmdã taoor soab tigis-kãsengã boollã sebre, la a wilg-a tɩ zãmsg ning a sẽn na n paam Biiblã pʋgẽ wã tõe n kɩtame tɩ ned lebg nin-sõngo. Tʋʋmdã taoor soab sũur yɩɩ noogo, t’a toeem yam.