Vẽnegre

a Evãnzill-dãmbã la Biiblã sɛb a taab pʋsẽ, b wilgame t’a Zeezi vʋʋgrã poore, a vẽnega a meng naoor wʋsg tɩ neb yã-a. Wala makre, a Maari sẽn yit Magdala wã, (Zã 20:11-18) pagb a taaba, (Mat. 28:8-10; Luk 24:8-11) karen-biis a yiibu, (Luk 24:13-15) a Pɩyɛɛre, (Luk 24:34) tẽn-tʋmdbã a Toma sẽn wa n pa be ne-ba, (Zã 20:19-24) tẽn-tʋmdbã a Toma sẽn wa n be ne-ba, (Zã 20:26) karen-biis a yopoe, (Zã 21:1, 2) karen-biis kobs-nu la zaka, (Mat. 28:16; 1 Kor. 15:6) a ma-biig a Zake, (1 Kor. 15:7) tẽn-tʋmdbã fãa, (Tʋʋ. 1:4) la tẽn-tʋmdbã b sẽn wa n be zĩig sẽn pa zãr ne Betani. (Luk 24:50-52) Tõe t’a vẽnega a meng wakat a taab tɩ b pa gom rẽ yell Biiblã pʋgẽ ye.—Zã 21:25.