Vẽnegre

a A Tyndale sẽn lebg Biiblã pipi sɛb a nu wã, a lebga Wẽnnaam yʋʋrã beenẽ tɩ “Iehouah.” Kaoosg zugẽ, b sẽn gomd ãngilindã to-to wã wa n toeemame, kɩt tɩ tɩ b sẽn da boond Wẽnnaam yʋʋrã me toeeme. Wala makre, yʋʋmd 1612, a Henry Ainsworth lebga Wẽnnaam yʋʋrã tɩ “Iehovah,” Yɩɩn-sõamyã sebrã a sẽn lebgã pʋgẽ. A sẽn wa n lebg n maneg Biibl ning a sẽn da lebg yʋʋmd 1639 wã, a lebga Wẽnnaam yʋʋrã tɩ “Zehovah.” Woto me, b sẽn wa n lebg Biibl ning b sẽn boond tɩ American Standard Version wã yʋʋmd 1901 wã, b lebs n ninga Wẽnnaam yʋ-peellã zĩig ning fãa a sẽn da be Biiblã babg ning b sẽn da gʋls ne Ebre wã pʋgẽ wã.