• Sɩnga wãn tɩ bõn-vɩɩs wa beẽ?
    Vɩɩmd-y wakat sẽn kõn sa!—Biiblã zãmsg sebre

    • 5. D tõe n tẽe b sẽn yeel naanegã wɛɛngẽ Biiblã pʋgẽ wã

      Sɩngr sak a 1 wã pʋgẽ, b wilgda sẽn sɩng to-to tɩ tẽngã la bũmb nins sẽn be a zugã wa beẽ wã. D tõe n tẽe kiba-kãng bɩ, bɩ yaa soalma? Ges-y VIDEO wã. Rẽ poor bɩ y leok sogsgã.

      VIDEO: Ãndũniyã talla sɩngr bɩ?​—B sẽn kʋrge (3:51)

      Fot-rãmba: Fot-rãmb sẽn wilgd bũmb toor-toor sẽn be ‘Ãndũniyã tara naand bɩ?’ video wã b sẽn kʋrgã’ pʋgẽ. 1. Ned sã n da be tẽngã zugu, a sẽn da na n yã bũmb nins b sẽn naan rasem a yoobã pʋgẽ wã to-to. 2. Tẽngã b sẽn naan rasem a yoobã poore, tɩ b ne wĩntoogã, tẽn-koɛɛnga, koom, tɩɩs la moodo, rũms la ninsaalba.

      • Biiblã pʋgẽ, b wilgame tɩ tẽngã ne bũmb nins sẽn be a zugã naanegã kaoosa rasem a yoobe, tɩ daar fãa yaa lɛɛr 24 bɩ?

      • Yãmb tagsdame tɩ b sẽn bilg naanegã sẽn yɩ to-to Biiblã pʋgẽ wã zemsame bɩ? Bõe yĩnga?

      Karm-y Sɩngr 1:1, tɩ rẽ poor bɩ y leok sokrã:

      • Siãnsã bãngdb yeelame tɩ saasã ne tẽngã talla sɩngre. Y sã n mak b sẽn yeelã ne y sẽn karem Biiblã pʋgẽ mas-masã wã, y tõe n yeelame tɩ bõe?

      Neb kẽer sokda b mens Wẽnnaam sã n pa naana bõn-vɩɩg a ye, t’a tall tedgr n wa lebg bõn-vɩɩs wʋsgo. Karm-y Sɩngr 1:21, 25, 27, tɩ rẽ poor bɩ y leok sogsgã:

      • Yãmb tagsdame tɩ Biiblã wilgdame tɩ Wẽnnaam naana bõn-vɩɩg a ye, n bas-a t’a tall tedgr n wa lebg zĩm, rũms la ninsaalb bɩ, bɩ a naana bũmb fãa ‘wa sẽn zems a buudu’?