10, 11. a) Wãn to la wẽngã piuug a Ãdem ne a Hawa tõdgrã poore? b) Yaa bãngr-gom-bʋg la a Enok moon-yã, la nebã manesem yɩɩ wãn to?

¹⁰ Wala makre, ges-y wẽngã sẽn piuug n kẽ ãdem-biisã sʋk tao-tao to-to a Ãdem beegrã poorã. Biiblã yeta tõnd t’a Ãdem biribl kãseng a Kayẽ n yɩ pipi ninsaal sẽn kʋ a to, a sẽn wa n kʋ a yao a Abɛllã. (Sɩngre 4:8-10) A Abɛll kũ-toaagã poore, a Ãdem ne a Hawa paama biribl a to, n pʋd a yʋʋr t’a Sɛt. D karemda woto yẽ zugu: “A Sɛt me roga biribla, n pʋd a yʋʋr t’a Enos. Yaa yẽ n sɩng n pʋʋs ne Zusoaba [a Zeova, NW] yʋʋre.” (Sɩngre 4:25, 26) Zu-bʋko, b sẽn da ‘pʋʋsd ne a Zeova yʋʋrã’ ne manesem ningã ra kɩɩsda sɩdã.b Yʋʋm wʋsg a Enos rogmã poore, a Kayẽ yageng a yembr b sẽn boond t’a Lamek maana yɩɩll a pagb a yiibã yĩnga. Yɩɩllã pʋgẽ a ra yetame t’a ra kʋʋ bi-bɩɩg sẽn pogl-a, la a keoog woto me: “B sã n dok b sũur naoor a yopoe a Kayẽ yĩnga, dẽ, b na n doka b sũur naoor pis-yopoe la a yopoe maam a Lamek yĩnga.”—Sɩngre 4:10, 19, 23, 24.