• Tɩtaam wata ne paoogre
    Gũusg Gasgã—2000 | Sa-sik kiuugu 1

    • A Koore yɩɩ tõat sẽn yaa sũ-ki-neda

      4. a) A Koore ra yaa ãnda, la sãmbg sẽn ka be, yel-bʋs sẽn zĩnd pĩnd pʋsẽ la a kẽ-yã? b) A yaoolem yʋʋmã pʋsẽ, tʋʋm-bʋg kɩbar neb wʋsg sẽn wʋm la a Koore maan-yã?

      4 A Koore yaa Levi ned sẽn yit Kehat buudã pʋgẽ. Yẽ ne a Moiiz la a Aarõ ra yaa yagen-taase. Wõnda a talla kɩs-sɩd ne a Zeova sẽn na maan yʋʋm pi-gĩna. A Koore paama zu-noog n zĩnd neb nins sẽn paam fãagr ne yel-solemd Mog-Miuugẽ wã, la wõnda a kẽesa a toog n pids a Zeova bʋ-kaoorã Israɛll neb nins sẽn balem nag-bilã Sinai Tãngẽ wã zutu. (Yikri 32:26) La a Koore baasame n lebg kɩɩsdb sull taoor soaba, n kɩɩs a Moiiz la a Aarõ. Kɩɩsdb kãens ra ya a Rubɛn buudã neb a Datãn la a Abiram, la a Õn, ne Israɛll nanambs 250.a Ad b sẽn yeel a Moiiz la a Aarõ: “Yãmb zẽkda y mens wʋsgo; tɩ bõe, Israɛll neba fãa gill yaa yɩlma, tɩ Zusoaba [a Zeova, NW ] be bãmb sʋka. Bõe tɩ y zẽkd y mens n yetẽ tɩ y yɩɩda Zusoaba nebã?”—Sõdbo 16:1-3.