-
A gẽnega a yõor Wẽnnaam nebã yĩngaTall-y b tẽebã buudu
-
-
22. Bõe yĩng t’a Ɛstɛɛr zoet rabeem n pa rat n kẽng rĩmã sẽn yaa a sɩdã nengẽ? (Ges-y vẽnegrã sẽn be tẽngrã.)
22 Tõe tɩ rabeem wʋsg yõka a Ɛstɛɛre, a sẽn wʋm koɛɛgã. A tẽebã zɩ n paam makr woto ye. A sẽn tʋm tɩ b tɩ yeel a Mardose bũmb ningã sɩd wilgdame t’a yɛɛsame. A tẽeg-a-la noor ning sẽn yet tɩ ned sã n kẽng rĩmã nẽngẽ t’a pa bool-a, b kʋʋda a soaba, sã n pa rĩmã n tees-a a sãnem dasaarã. A Ɛstɛɛr sẽn mi tɩ rĩmã ra boola a Vasti t’a zãgse, tɩ b kɩt t’a pa le yaa na-pagã, rẽ yĩnga a tõe n tẽeme tɩ yẽ sã n kɩɩs rĩmã noorã, b na n bas-a lame n pa sɩbg sɩda? A yeela a Mardose tɩ rasem 30 la woto rĩmã sẽn ka bool yẽ. Rĩm-kãngã sẽn yaa zʋg soabã sẽn maan woto wã kɩtame t’a Ɛstɛɛr sokd a meng a sã n ket n nonga yẽ.e—Ɛst. 4:9-11.
-
-
A gẽnega a yõor Wẽnnaam nebã yĩngaTall-y b tẽebã buudu
-
-
e Nebã ra miime t’a Zɛgzɛs pipi soabã yaa zʋg soab la wẽnem soaba. Gɛrk kʋdem yel-mit a Herodot togsa yɛl kẽer a Zɛgzɛs sẽn maane, a sẽn wa n zabd ne Gɛrs nebã. A ra kɩtame tɩ b tong batayo rãmb mogrã ko-sor ning b sẽn boond tɩ Hellespont tɩ lebg põ. La sa-kẽeng n ni n sãam põ wã, t’a kɩt tɩ b fiuus sẽn lʋɩ-b tʋʋmdã taoorã fãa zutu, la a kɩt tɩ b pãbd koomã tɩ ned yas n karemd goam sẽn yaa tʋy, tɩ yaa wa koomã la b tʋʋda. Arzɛk soab a ye me n da wa n yã a Zɛgzɛs n kos t’a bas t’a bi-riblã ra tũ n kẽng zabrã ye. La a kɩtame tɩ b pasg raoã biig zĩis a yiibu, n dɩgl-a zĩig nebã sẽn na n yã tɩ yɩ keoogre.
-