2:7; 3:5—Pʋg-sadã sẽn yeel na-yirã pʋg-sadb tɩ b zoe ‘yãgs la wals sẽn be weoogẽ’ wã võor yaa bõe? Yãgs la wals bee rasãnd la b yaa neeb wʋsgo. Dẽnd Sulamitã ra yeta na-yirã pʋg-sadb tɩ b sã n nand bõn-neebã, b pa na n sak n nek a nonglmã ye.

2:7; 3:5. Pʋg-sadã ra pa nong a Salomo baa bilf ye. A leb n kɩtame tɩ na-yirã pʋg-sadb wẽen tɩ b pa na n kɩt t’a nong ned a to tɩ sã n pa pe-kɩɩmã ye. D pa tõe la d leb n pa segd n nong ned yaar bal ye. Kiris ned sẽn dat n kẽ kãadem segd n baoo kẽed-n-taag neb nins sẽn sakd a Zeova wã sʋk bala.—1 Korẽnt dãmba 7:39.