1:2, 3—Bõe yĩng tɩ pʋg-sadã sã n tẽeg pe-kɩɩmã nonglem yell bɩ a tagsd rãam yelle, la a yetẽ tɩ pe-kɩɩmã yʋʋr wõnda kaam? Wala rãam sẽn noogd ned sũur la kaam sẽn bʋkd zoobdã, woto me pʋg-sadã sã n tẽeg bi-riblã sẽn nong-a to-to wã la a tẽeg a yʋʋrã yelle, belsd-a lame la kengd a raoodo. (Yɩɩl Sõamyã 23:5; 104:15) Woto me kiris-neb hakɩkã, sẽn yɩɩd fãa, sẽn paam-b vʋʋsem sõngã zaeebã sã n tagsd a Zezi sẽn wilg to-to t’a nong-b lame wã yelle, kengda b raood la paasd b pãngã.

1:2; 2:6. Neb a yiib sã n wa baood taab n na n kẽ kãadem, b tõe n talla manesem sẽn wilgd tɩ b nonga taaba. La neb a yiibã segd n modgame tɩ b manesmã wilg tɩ b sɩd nonga taaba, la b gũus tɩ rẽ ra wa kɩt tɩ b yo ye.—Galat dãmba 5:19.