• Yãmb tõe n yɩɩ a Zeova zoa
    Vɩɩmd-y wakat sẽn kõn sa!—Biiblã zãmsg sebre

    • 5. A Zeova sẽn dat t’a zo-rãmbã maane

      D mi n datame tɩ d zo-rãmbã maan bũmb kẽere.

      • Bõe la yãmb dat tɩ y zo-rãmbã maan n kõ-yã?

      Karm-y 1 Zã 5:3, tɩ rẽ poor bɩ y leok sokrã:

      • Bõe la a Zeova rat t’a zo-rãmbã maane?

      Sẽn na yɩl n sak a Zeova, tõe tɩ d segd n toeema d yel-manesmã la d zʋgã. Karm-y Ezayi 48:17, 18, tɩ rẽ poor bɩ y leok sokrã:

      • Bõe yĩng t’a Zeova rat t’a zo-rãmbã toeem bũmb kẽere?

      Tʋm-tʋmd sẽn tees a tʋmd-n-taag kasg t’a reeg n fõgne.

      Zoa hakɩɩk tẽegd-f-la bũmb nins sẽn tõe n kogl-f la naf-fã. A Zeova me maanda woto ne a zo-rãmbã

  • Wãn to la d tõe n wilg a Zeova tɩ d nong-a lame?
    Vɩɩmd-y wakat sẽn kõn sa!—Biiblã zãmsg sebre
    • Sak 34. Rao sẽn be tẽng pʋgẽ, n nak a neng n get saasã.

      SAK 34

      Wãn to la d tõe n wilg a Zeova tɩ d nong-a lame?

      Yãmb getame tɩ y sẽn sɩng Biiblã zãmsgã tɛka, y maneg n nonga Wẽnnaam n yɩɩd pĩndã bɩ? Y ratame tɩ yãmb ne Wẽnnaam zoodã ket n paasdẽ bɩ? Sã n yaa rẽ, tẽeg-y t’a Zeova sã n neẽ tɩ yãmb sẽn nong-a to-to wã pãng paasdame, a na n maneg n nong-y lame, la a ges y yelle. Wãn to la y tõe n wilg tɩ y nong-a lame?

      1. D maanda wãn n wilg a Zeova tɩ d nong-a lame?

      D sã n sakd a Zeova, d wilgdame tɩ d nong-a lame. (Karm-y 1 Zã 5:3.) A pa modgd ned baa a ye t’a sak-a ye. A pʋd n basda tõnd ned kam fãa t’a tõe n yãk a sã n na n sak-a lame bɩ a pa na n sak-a. Bõe yĩnga? Bala a Zeova ratame tɩ d sakd-a “ne d sũy fãa.” (Rom dãmbã 6:17) Rat n yeelame t’a ratame tɩ y sak-a, y sẽn nong-a wã yĩnga, la pa tog n yɩ modgr yĩng ye. Seb-kãngã babg a 3 ne a 4 yaa sẽn na yɩl n sõng-y tɩ y maand bũmb nins sẽn tat a Zeova yamã, la y zãagd y mens ne bũmb nins sẽn pa tat a yamã, n wilg tɩ y nong-a lame.

      2. Bõe yĩng tɩ tõe n yɩ toog tɩ d wilg a Zeova tɩ d nong-a lame?

      “Nin-tɩrg zu-loees yaa wʋsgo.” (Yɩɩn-sõamyã 34:19) Tõnd ned kam fãa tara a pãn-komsem. D tõe n maooda ne ligd zu-loees me, wall b tõe n maan-d-la kɛgre, bɩ yɛl a taaba. D sã n wa maood ne zu-loeese, tõe n yɩɩ toog tɩ d maan a Zeova sẽn datã. Bala sasa kãnga, wẽngã maaneg tõe n yɩɩ nana. La y sã n maan a Zeova sẽn datã, y wilgdame tɩ y nong-a lame n yɩɩd bũmb fãa. Leb n wilgdame tɩ y maanda sɩd ne-a, la yẽ me na n maana sɩd ne yãmba. A pa na n tol n daag yãmb n bas ye.​—Karm-y Yɩɩn-sõamyã 4:3.

      D BAO N BÃNG N PAASE

      D ges tõnd sẽn sakd a Zeova wã sẽn tar yõod a nifẽ wã võore, la bũmb nins sẽn tõe n sõng-d tɩ d kell n maan sɩd ne-a wã.

      3. A Sʋɩtãan rõda yãmba

      Biiblã sebr ning b sẽn boond tɩ Zoob sebrã wilgdame t’a Sʋɩtãan rõda a Zoobe, la neb nins fãa sẽn dat n tũ a Zeova wã. Karm-y Zoob 1:1, 6–2:10, tɩ rẽ poor bɩ y leok sogsgã:

      • Ne a Sʋɩtãana, a Zoob ra sakda a Zeova bõe yĩnga?​—Ges-y Zoob 1:9-11.

      • Bõe la a Sʋɩtãan yeel ninsaalbã fãa wɛɛngẽ, yãmb sẽn naage?​—Ges-y Zoob 2:4.

      Karm-y Zoob 27:5, tɩ rẽ poor bɩ y leok sokrã:

      • Wãn to la a Zoob wilg t’a sɩd nonga a Zeova?

      A Sʋɩtãan sẽn wẽed no-koeemd ne a Zeova. A yetame t’a Zoob sẽn zĩ t’a yĩngã zãng yaa noadã, la rũndã-rũndã saam-bi-poak sẽn tũud a Zeova wã fãa burkindã pa zaalem yĩng ye.

      A Zoob kell n maana sɩd ne a Zeova, tɩ wilg t’a nong-a lame

      D sã n kell n maan sɩd ne a Zeova, d wilgdame tɩ d nong-a lame

      4. Maan-y t’a Zeova sũur yɩ noogo

      Karm-y Yel-bũn 27:11, tɩ rẽ poor bɩ y leok sogsgã:

      • A Zeova tagsg yaa wãna, y sã n tall yam la y sak-a? Bõe yĩnga?

      5. Yãmb tõe n maana sɩd ne a Zeova

      D sẽn nong a Zeova wã kɩtame tɩ d gomd a yell ne d taabã. Baa sã n wa pa nana, d gomda a yelle, d sẽn dat n kell n maan sɩd ne-a wã yĩnga. Ges-y VIDEO wã, tɩ poor bɩ y leok sogsgã.

      VIDEO: Wilg-y y sẽn tẽed bũmb ningã võore, baa b sã n kɩɩsd-y (5:09)

      • Mi n yaa toog ne yãmb tɩ y gom a Zeova yell ne y taabã bɩ?

      • Video wã pʋgẽ, bõe n sõng a Gersõn t’a tõog a rabeemã?

      D sã n nong a Zeova sẽn nonge, la d kis a sẽn kisi, yɩta nana tɩ d tõog n kell n sak-a. Karm-y Yɩɩn-sõamyã 97:10, tɩ rẽ poor bɩ y leok sogsgã:

      • Sẽn zems ne bũmb nins yãmb sẽn bãngã, togs-y bũmb kẽer a Zeova sẽn nonge, la bũmb kẽer a sẽn kisi.

      • Bõe n tõe n sõng yãmb tɩ y nong sẽn yaa sõma, la y kisg sẽn yaa wẽnga?

      6. D sã n sakd a Zeova, nafda tõndo

      Wakat fãa, a Zeova sakrã la sõma n tɩ yɩɩda. Karm-y Ezayi 48:17, 18, tɩ rẽ poor bɩ y leok sogsgã:

      • Yãmb tagsdame tɩ d tõe n kɩsa sɩd tɩ wakat fãa, a Zeova mii sẽn yaa sõma ne tõnd n tɩ yɩɩd bɩ? Bõe yĩnga?

      • Yãmb sẽn sɩng Biiblã zãmsg n bãngd a Zeova sẽn yaa Wẽnnaam sɩd-sɩdã, wãn to la nafd yãmba?

      NINA TÕE N SOKAME YAA: “Mam tʋʋm-tʋmdɩ wã tõe n nooga Wẽnnaam sũur sɩda?”

      • Biiblã vɛrse-bʋg la y tõe n karem n wilg tɩ bũmb nins d sẽn maandã tõe n nooga a Zeova sũuri, pa rẽ bɩ n sãam a sũuri?

      KƲMSGO

      Y sã n sakd a Zeova, la y ket n maand sɩd ne-a baa ne zu-loeesã, y wilgdame tɩ y nong-a lame.

      Lebg-n-gese

      • A Zoob kibarã sõnga yãmb tɩ y bãng bõe?

      • Wãn to la y na n wilg tɩ y nonga a Zeova?

      • Bõe n na n sõng yãmb tɩ y kell n maan sɩd ne a Zeova?

      M sẽn tõe n maane

      BŨMB A TAABA

      Y sẽn tõe n maan sɩd ne a Zeova la ne tigingã to-to.

      “Yãmb maanda sɩd ne ned ning sẽn maand sɩda” (16:49)

      Bũmb a taab a Sʋɩtãan sẽn dõd ninsaalbã.

      “A Zoob kell n talla a burkĩndã” (La Bible : quel est son message ?, partie 6)

      Baa kambã tõe n wilgame tɩ b nonga a Zeova. Wãn to?

      Noog a Zeova sũuri (8:16)

      Wãn to la bi-bɩɩg tõe n kell n maan sɩd ne a Zeova, baa a kom-bɩ-taas sã n pẽdgd-a n dat t’a maan wẽnga?

      Ra bas tɩ f taabã tõog tɩ f maan wẽng ye (3:59)