• Modg-y n ges y taabã wa a Zeova sẽn get-b to-to wã
    Gũusg Gasgã—2003 | Tʋʋl-nif kiuugu 1

    • 7. Yel-bʋs pʋsẽ la a Zonas ra maand a Zeova raabã Israɛlle, la tõnd sẽn mi rẽ wã kɩtdame tɩ d tags bõe a zug masã?

      7 A Zonas sẽn da wa n yaa no-rɛɛs Israɛllã a sɩd tʋma a tʋʋmdã ne kɩs-sɩda, baa tẽngã neb wʋsg sẽn da pa kelgd-a wã. No-rɛɛs a Amos sẽn vɩɩmd a Zonas wakatã wilgame tɩ rẽ wẽnde Israɛll nebã ra yaa neb sẽn nong laog la yõ-noogre.b B ra maanda bõn-wẽns Israɛlle, la tẽngã neb toor da kae ye. (Amos 3:13-15; 4:4; 6:4-6) La beoog sẽn vẽeg fãa, a Zonas ra moonda nebã n pa vaandẽ ye. Y sã n yaa koe-noogã moonda, y miime tɩ yaa toog wʋsg tɩ y gom ne neb sẽn tagsd tɩ b seka b mens la sẽn maand yam-kaalgo. Rẽnd baa ne d sẽn sak n deeg t’a Zonas talla pãn-komslmã, bɩ d ra yĩm a kɩs-sɩdã la a sũ-marã, a sẽn da wa n moond Israɛll nebã sẽn ka tẽebã ye.