⁸ Rĩmã me teka yam. A zoee Wẽnnaam, n sig a naam geerã zugu, n yees a naamã fut la a yeelg bot wa a nin-buiidã, n “zĩnd tom-pɛglem pʋgẽ.” Yẽ ne a “nanambsã,” rat n yeel t’a kug-zĩidbã yiisa noor n yeel tɩ tẽngã ned fãa segd n loee noore. A yeelame tɩ b fãa segd n yeelga boto, baa rũmsã menga.b Ne sik-m-menga, a sak n deegame t’a nin-buiidã tʋma tʋʋm-wẽns la nen-kɛglem, n beeg Wẽnnaam. A wilgame me tɩ b sã n tek yam, tõe tɩ Wẽnnaam zoe b nimbãanega. Rĩmã yeelame: “Daar ninga, Wẽnnaam tõe n teka yam tɩ b sũurã sig tɩ d ka sãam ye.”—Zon. 3:6-9.