• Yãmb na n basame tɩ bũmb kɩt tɩ y pa tũ a Zeezi bɩ?
    Gũusg Gasgã (Zãmsgã rẽnda)—2021 | Sig-noy kiuugu

    • 3) ZƲƖF-RÃMBÃ ROG-N-MIGS WƲSG LA A ZEEZI PA TŨ YE

      Neb wʋsg pa sak n tẽ a Zeezi, a sẽn zãgs n pa tũ b rog-n-migs kẽerã yĩnga. Wãn to la yel-kãensã me tõe n kɩt tɩ neb kẽer pa tẽ a Zeezi rũndã-rũndã? (Ges-y sull 13)d

      13. Bõe n kɩt tɩ neb wʋsg ning a Zeezi taale?

      13 A Zeezi wakatẽ wã, a Zãmbatiis karen-biisã sẽn bãng t’a Zeezi karen-biisã pa loet noorã, ling-b lame. A Zeezi wilgame tɩ yẽ sã n ket n vɩ fãa, pa tɩlɛ tɩ b loe noor ye. (Mat. 9:14-17) Baa ne rẽ, fariziẽ-rãmbã la neb a taab sẽn da kis a Zeezi ning-a-la taale, a sẽn da pa tũud bãmb rog-n-mikã la b minundã yĩnga. B sũyã yika ne-a, a sẽn yãk yam n na n sãoog bãad-dãmb vʋʋsg raarã. (Mark 3:1-6; Zã 9:16) B ra yetame tɩ b tũuda noy nins Wẽnnaam sẽn gãneg vʋʋsg raarã wɛɛngẽ wã, n yaool n da koosd teed wẽnd-doogẽ wã ra-kãnga, n pa get tɩ yaa wẽng ye. A Zeezi sẽn ning-b taal rẽ yĩngã, b sũyã yika wʋsgo. (Mat. 21:12, 13, 15) Neb nins a Zeezi sẽn taas koɛɛgã zʋɩf-rãmbã karen-doogẽ wã Nazarɛtã me sũy yikame, a sẽn tẽeg-b yɛl kẽer Israyɛll nebã sẽn da maan pĩndã, la a tik rẽ n wilg tɩ b yaa rat-m-yembr dãmb la neb sẽn pa tar tẽebã. (Luk 4:16, 25-30) Neb wʋsg pa sak n kelg a Zeezi, a sẽn pa maan bãmb sẽn da tagsd t’a na n maaname wã yĩnga.—Mat. 11:16-19.

      14. Bõe yĩng t’a Zeezi wilg tɩ ninsaalb rog-n-migs nins sẽn pa zems ne Gʋls-sõamyã sẽn yetã tũub pa sõma?

      14 Bõe la Gʋls-sõamyã yeta? A Zeova tũnuga ne a no-rɛɛs a Ezayi n yeel yaa: “Nin-bãmbã me sã n kolg maam, b waoogda maam ne noor bala, la b sũyã zãra ne maam, bãmb sẽn zoet maamã yaa zãmsg b sẽn deeg ninsaalb nengẽ bala.” (Eza. 29:13) A Zeezi ra bee bʋʋm, a sẽn wilg tɩ ninsaalbã rog-n-migs nins sẽn pa zems ne Gʋls-sõamyã sẽn yetã tũub pa sõma wã. Neb nins sẽn da bas Gʋls-sõamyã noyã tũub n tũud ninsaalb noy la b rog-n-migsã zãgsa a Zeova, la soab ning a sẽn tʋmã, rat n yeel tɩ Mesi wã.

  • Yãmb na n basame tɩ bũmb kɩt tɩ y pa tũ a Zeezi bɩ?
    Gũusg Gasgã (Zãmsgã rẽnda)—2021 | Sig-noy kiuugu

    • 4) A ZEEZI PA BAO N NA N TOEEM GOOSNEEMÃ ZĨIG PƲGẼ YE

      Neb wʋsg pa sak n tẽ a Zeezi, a sẽn pa kẽes a toog politikã yɛlẽ wã yĩnga. Wãn to la yel-kãensã me tõe n kɩt tɩ neb kẽer pa tẽ a Zeezi rũndã-rũndã? (Ges-y sull 17)e

      17. A Zeezi wakatẽ wã, bõe la neb wʋsg ra gũuda, tɩ kɩt tɩ b pa sak n tẽ-a?

      17 A Zeezi wakatẽ wã, neb kẽer da ratame t’a toeem goosneemã zĩig pʋgẽ. B ra gũuda Mesi wã sẽn da na n wa fãag-b ne Rom dãmbã naamã sẽn da weoogd-bã. La b sẽn mak n na n kɩt t’a Zeezi lebg rĩmã, a zãgsame. (Zã 6:14, 15) Maan-kʋʋdbã la neb a taab ra maanda yɩɩre, b sẽn da tagsd t’a Zeezi na n toeema naamã, tɩ kɩt tɩ Rom dãmbã sũy yik tɩ b reeg zu-sobendã b sẽn da kõ bãmbã yĩnga. Zʋɩf-rãmbã wʋsg sẽn da maand yɩɩr naamã poorẽ wã, kɩtame tɩ b pa sak n tẽ a Zeezi ye.

      18. Biiblã bãngr-gom-bʋs Mesi wã wɛɛngẽ la neb wʋsg ra pa nonge?

      18 Bõe la Gʋls-sõamyã yeta? Baa ne bãngr-goam wʋsg sẽn da wilg tɩ Mesi wã na n yɩɩ zabr gãndaoog sẽn yaa tõaagdã, bãngr-goam a taab n wilgd t’a ra segd n deng n kii tõnd yel-wẽnã yĩnga. (Eza. 53:9, 12) Rẽ wã, bõe yĩng tɩ zʋɩf-rãmbã sẽn da tagsd bũmb ning Mesi wã zugã pa zemse? A Zeezi wakatẽ wã, neb wʋsg ra pa nong bãngr-goam nins sẽn da pa wilgd tɩ b zu-loeesã na n paama welgr zĩig pʋgẽ wã ye.—Zã 6:26, 27.