A Zozɛf ne a Maari sẽn tall a Zeezi n yi Ezɩpt n wa Nazarɛtã t’a Zeezi ra tog n zemsa yʋʋm a yiibu. Wõnda wakat kãng tɩ yaa yẽ bal n da yaa b biiga. B wa n paama kom-dibli a taaba. A Zak, a Zozɛf, a Sɩmo ne a Zuud. B paama kom-pugli me. Dẽnd a Zeezi yaopã sõor taa a yoob bɩ yɩɩd rẽ menga.

A Zozɛf zakã rãmb sẽn lebg wʋsgã, a ra segd n tʋma wʋsg n ges b yelle. Ra yaa ra-wãada. A wuba a Zeezi wa a meng biiga. Nebã ra pʋd n boonda a Zeezi tɩ “ra-wãadã biigã.” (Matye 13:55) A Zozɛf zãmsa a Zeezi tʋʋmdã, hal t’a ra mi sõma. Sɩd me, b wa n boonda a Zeezi tɩ “ra-wãadã.”—Mark 6:3.