D bao n bãng sẽn tar yõod n yɩɩdã

1. Togame tɩ d tall yam rũndã-rũndã,

n bãng sẽn yaa sõma wã,

la d bãng bũmb nins sẽn tar yõod n yɩɩdã,

la d maan sẽn tat Wẽnnaam yam.

Nong sẽn sõmbe. Kisg wẽnga.

Noog Wẽnd sũuri,

tɩ kõ foo sũ-noogo. Karem Biiblã,

la f pʋʋs daar fãa.

Bɩ d maan bõn-kãensã sẽn tar yõodã.

2. Bũmb ka be sẽn tar yõod n yɩɩd fo sẽn

na n taas nebã koe-noogã,

bɩ f sẽn na n sõng neb nins sẽn baood sɩdã

tɩ b wa bãng a Zeova ye.

Bɩ d sõng tɩ b wʋm, la b sɩd sake.

Bɩ d fãa wilgi,

tɩ d nonga neb a taabã la d sõng bãmb

tɩ b paam yolsgo.

Koɛɛgã mooneg tara yõod wʋsgo.

3. Tõnd sã n maand bũmb nins sẽn tar yõod wʋsgã,

tõnd tẽebã na n yɩɩ kãn-kãe.

Tõnd na n paama laafɩ buud sẽn ka to,

la d kell n tall tõnd tẽebã.

Tõnd na n paama zo-rãmb hakɩk

sẽn nong tõndo.

Ad yaa bark meng meng la tõnd na n paame,

tõnd sã n sɩd bãng

sẽn tar yõod n yɩɩdã la d maan rẽ.