Yɩɩll 10
“Ad maam, bɩ f tʋm maam”
(Ezai 6:8)
1. Nebã sãama Wẽnnaam yʋʋrã.
Bãmb sɩd pa waoogd-a baa bilfu.
Kẽer yetame t’a pa sõma.
Zɩt yetame tɩ “Wẽnd kae ye.”
Ãnda n na n tɩ waoog Wẽnd yʋʋrã?
Ãnda n na n pẽg yẽ neb sʋka?
Ad maam, mam Wẽnnaam, bɩ f tʋm maam!
Mam na n yɩɩl n pẽga f yʋʋrã.
(Reesgo)
Ad wã sɩd yaa zu-zẽkr n kõ maam.
Ad-ma, Wẽnnaam, bɩ f tʋm maam!
2. Neb n yet tɩ Wẽnd maasame.
Bãmb sɩd ka zoet b Naandã ye.
Sãnda pʋʋsda kug la tãmse.
Kẽer yẽ yaa a Sezaar la b Wẽnnaam.
Ãnda n na n tɩ togs nin-wẽnsã
tɩ Wẽnnaam zabrã kolgame?
Ad maam, mam Wẽnnaam, bɩ f tʋm maam!
Mam na n keooga bãmb ne raoodo.
(Reesgo)
Ad wã sɩd yaa zu-zẽkr n kõ maam.
Ad-ma, Wẽnnaam, bɩ f tʋm maam!
3. Sik-m-mens rãmbã n wẽed siri,
wẽngã sẽn yaa wʋsgã yĩnga.
Bãmb fãa ratame n bãng sɩdã,
sẽn na n kɩt tɩ b yam gãand bãane.
Ãnda n na n taas-b koe-noogã?
Ãnda n na n wilg-b Wẽnd noyã?
Ad maam, mam Wẽnnaam, bɩ f tʋm maam!
Mam na n maaga m mengã n zãms-ba.
(REESGO)
Ad wã sɩd yaa zu-zẽkr n kõ maam.
Ad-ma, Wẽnnaam, bɩ f tʋm maam!
(Ges-y Yɩɩl 10:4; Eze. 9:4.)